Los Butos

Los Butos de la Asosiasion

Perpetuar la memoria de los Djudios de Grecha, ke fueron eksterminados por los

Almanes en los kampos de eksterminasion i de konsentrasion durante la Shoa.

Guadrar la erensia del Djudaismo de Grecha i de sus gloriozas komunidades, i

espesialmente la komunidad de Saloniki.

Ovrar para ke sean guadrados los deritos de los miembros de la Asosiasion, por

la privasion de sus libertad, por los danyos a sus salud i porke fueron tomados en

lavoros de esklavaje, kuando estuvieron soto el yugo de los Almanes salvajes.

Ayudar a los miembros menesterozos de la Asosiasion, a los invalides i a los

hazinos, i sostenerlos i enforteserlos materialmente i mentalmente.

Organizar aktividades sosialas i kulturalas para los miembros.

Kooptar a la Asosiasion los desendientes de los orijinarios de Grecha en Israel

(non reskapados solamente), i asosiarlos en las aktividades de la Asosiasion,

espesialmente en los sujetos de perpetuasion i erensia.

Estar en kontakto kon otras organizasiones de reskapados i de luchadores kontra

los nazistas, en Israel i al estranyero.

Share:
  • Print
  • Digg
  • StumbleUpon
  • del.icio.us
  • Facebook
  • Yahoo! Buzz
  • Twitter
  • Google Bookmarks

Comments are closed.